عصابة حمادة وتوتو!
هنا يقول أبوزيد الهلالي سلامة
وعينيه ونضارته يطقو شرار
أنا هازم الستات ملبسهم الطرح
أنا هادم السينما علي الزوار
أنا الشمس لو تطلع أقول إنها قمر
ولو حد عارض..يبقي من الكفار
ويا داهية دقي لو أقول ده فلان كفر
جزاءه الوحيد الرجم بالأحجار
فأحسنلكم قولوا (آمين) بعد كلمتي
ولو قلت الجمبري ده خضار!
صلاح جاهين
هناك ٦ تعليقات:
حلوة قوي بجد ..
خصوصا ان كتير منهم بيقولوا خزعبلات صافية والمدهش انهم بيقولوها بمنتهى الاقناع والاقتناع
ماهي المصيبة بقي ياعم بلو في الإقتناع..
يعني ممكن ساعات تحس انهم ضحية وساعات أكتر تحس انهم نصابين والعملية سبوبة لا أكثر!
الله يرحمك يا عم جاهين..
نورتني :)
نفس الموضوع بأبيات الشعر موجود فى مدونة تانية بس المقصود بيها الشيخ الغزالى
http://hegab-nekab.blogspot.com/
Amir:
المدونة اللي انت حاططها حاسس أن روح التعصب فيها عالية جداً ، التعصب مش لازم يكون ديني لأنه التعصب في الأساس فكرة..
علي العموم الغزالي لا يقارن بتاتاً بنصابي حمادة وتوتو ، الرجل كان لديه بعض الأراء الجيدة بينما عصابة توتو وحمادة لا أجد لهم إلا الآن سوي المصائب..
هاسيب اللينك رغم إعتراضي علي محتوي المدونة لأنه لم يقصف في عهدنا كيبورد :D
لا سبق قبل كدة وكسرت كى بورد ليا
ولا انت ناسى ؟
اما شوية الاراجوزات اللى انت جايب صورهم انا سمعت واحد منهم مرة على سبيل التغيير ومن باب اعرف عدوك لقيتة بيقول ان اول ما الواحد يحب يبقى مؤمن ويهتدى_على اساس ان اللى مابيسمعهوش اكيد كافر وابن كلب وفى النار راكب صاروخ ستينجر_بيقول ان اللى لازم يعرف طريق الحق لازم يلبس غترة ويقصر الثوب طبعا زى سيادتة ماهو عامل
يعنى يا تلبس طرحة ياتخش النار
ماذا تفعل لو كنت مكانى ساعتها؟
adhm:
أهلاااااااااان ياعم..
فينك ياراجل؟
انت قلبك أسود أوي ياراجل! الكلام ده كان من حوالي سنتين ، انت عارف بقي الدينا بتتغير ومصر بتتقدم بينا :D
لسه امبارح صديقة بتدردش معايا علي الحجاب ، انا مصدوم من كم التكثيف الرهيب عليه وإختزال كل معاني الدين في قطعة القماش هذه!
الأمر ما يزال حرية شخصية بعيداً عن سبوبة توتو وحمادة..
نورتنا ياريس
إرسال تعليق