ويقولك البنات ليه ما بتتجوزش ؟!
القانون الأول :
بناتي مش أقل من بنات فوزية البرجوازية !!أنت عايز الناس تاكل وشنا يابني !
القانون التاني :
حفلة الجواز هي الفرحة اللي متبقية للبنت
طول عمرها ، واللي بتفضل مستنياها طول عمرها !
القانون التالت :
يابني احنا بنشتري راجل ، مهر بنتي
وشبكتها تقلها دهب ، وانت واخد بالك طبعاً !
القانون الرابع :
ماهو لو عملت لك كل ده يبقي هانتجوز كمان
عشرميت سنة وهناكل طوب وزلط إن شاء الله !
وبناء علي القوانين اعلاه :
لكي أن تختاري أنستي المبجلة بين شغل فوزية البرجوازية وحلق حوش أعلاه ، وبين أنك تتجوزي الانسان اللي اخترتيه وهو اختارك ، يا إما تفكك من السيرة دي وتروحي تشوفيلك شوفة تانية ، وإبقي قابليني !
*أي تشابه بين القوانين دي وحال أي حد بيقرأ التدوينة أو صاحبها لا محل له من الإعراب ، وأحسن له يتغطي كويس بالليل
هناك تعليقان (٢):
على راي الخواجات الكفرة الفسقة :
diamonds ae girl's best friend
أو كما أفضل ان أقول :
الصابون هو أفضل صديق للشاب !
رفيق بيلياتشو :
مع الوقت ستكتشف شيء عجيب ، وهو أن العرب من اوسخ الامم في التعامل مع تفاصيل الجواز والذي منه ..
بالتأكيد الصابون مش افضل صديق صدقني ، انت بس تلاقي واحدة تفهمك وده زي المستحيل الرابع للأسف :((
إرسال تعليق